MSHAMBULIAJI Gonzalo Higuain ameiweka mkao wa kula Arsenal baada ya kuthibitisha anaondoka Real Madrid msimu huu.
Arsene Wenger, ambaye anataka kuboresha safu yake ya ushambuliaji, inafahamika anamzimikia mno mshambuliaji huyo wa kimataifa wa Argentina.
Na baada ya kufunga katika ushindi wa Real wa 4-2 dhidi ya Osasuna, Higuain alionyesha nia yake ya kuondoka Bernabeu.
"Naondoka Real Madrid, uamuzi umekwishafikiwa, nafikiri ni wakati mwafaka na ninataka kubadilisha upepo,"alisema.
"Sijaamua nitakwenda wapi, lakini klabu tayari inafahamu nataka kuondoka. Ulikuwa uamuzi wangu. Nafikiri huu ni mwisho wangu hapa. Nilitua hapa kwa Pauni Milioni 10 na ninaondoka kwa zaidi" alisema.