Wakati huu ambapo mheshimiwa Uhuru Kenyatta amechukua ofisi na kuanza kazi rasmi kama Rais wa Kenya, tetesi tayari zimeanza kusambaa kuwa, mpiga picha mahiri nchini humo, Emmanuel Jambo ndiye mkali ambaye amekula shavu la kuwa mpiga picha za familia ya Rais katika matukio yote.
Emmanuel ambaye amekwishafanya kazi hii kwa muda sasa na wanasiasa mbalimbali, amejizolea sifa kubwa kutokana na fani yake hii, kitu kinacho zipatia tetesi hizi asilimia kubwa ya kuwa ukweli.
Emmanuel ndiye mkalimani wa sanaa ya photographia ambaye pia ndiye aliyepiga picha rasmi ya rais ambayo ndiyo itakayokuwa ikitumika katika maofisi na sehemu mbalimbali ambazo zinaendesha shughuli za kijamii na kiuchumi.